泰海鮮 (已結業)

寻日入左屯门三圣食海鲜，我地一行4人就去左一间叫泰海鲜的酒家，之前有住喺屯门既朋友推介的，食过话价钱公道同用料新鲜，所以就简左呢间，现场环境系好典型怀旧式的海鲜酒家格局，真系别有一番风味，睇餐牌都有几多选择，最后叫左以下菜式：1, 海鲜汤-(汤味香浓汇集海鲜的精华，必叫之选) 2, 豉油皇鲍鱼-(火喉掌握得好好，唔会韧同口感好好，用豉油提鲜带出鲍鱼的鲜味)3, 冬荫公汤煮花甲-(好少食到用冬阴功嘅煮法，原来配埋花甲系咁夹)4, 青山湾焗龙虾-(屯门三圣既招牌煮法，龙虾啖啖肉芝士脆皮够香口，店员会畀埋刀叉你去食，真系名乎其实既刀叉享受)5, 豉椒蛏子皇米粉底-(蛏子好嫩滑，个米粉底配埋豉椒汁非常好食)6, 砵酒焗桶蚝-(酒味香浓做到外脆内嫩)7, 辣羔炒肉蟹 (煮得唔会太辣，微辣返而带出蟹嘅鲜味，净系食个大大只的蟹钳已经好满足了)整体呢间泰海鲜食材用料新鲜，厨房师傅嘅功力相当有水准，服务方面都好好店员亦会时常换碟同加茶加水，所以下次嚟开三圣食海鲜一定会拣返泰海鲜。