影片
更多
2023-09-11
512 浏览
莆田 Putien 📍元朗朗日路9号形点 I L2楼2040号舖星期日晚我同老爸二人食晚餐，特登拣咗佢钟意食嘅中菜。Yoho入面我只系食过几间中菜，当中最得我欢心嘅就系莆田，所以我就带未食过嘅老爸试吓，食过之后佢即刻问中秋节有无得订枱，睇嚟都几满意㖞。 💰$28肉松茄子 🍆呢个真系不得不介绍，价钱平不特止，仲大大碟，有六七嚿炸得香脆可口嘅茄子。因为唔知道一份有咁多，我同老爸一人点咗一份，份量应该够成个家庭食！炸茄子本身无咩调味，味道较淡，但裹上带点咸香嘅肉松后，口感同味道都有升华，之前一直都忽视左佢嘅存在，所以觉得一定要推介俾大家！ 💰$38/片 (2片起售)黄金荷叶包 🍔呢道黄金荷叶包每次嚟基本都会点嚟食，因为有得玩有得食，洋葱肉丝无论净食定夹包食都好味道，加上芝麻香气，相信无人会唔钟意食。 💰$158白切羊肉 🐑又点会估到单纯用热水泡熟嘅羊肉会咁鲜美？一般唔钟意食羊嘅人，应该系接受唔到羊膻味，所以有唔少羊肉菜式会加入大量香料，希望可以盖过羊膻，但此举同时会盖过羊肉自带嘅鲜味。莆田只会选择6个月以下，满20斤嘅肥羔羊，以不加任何助料嘅方式用滚烫嘅热水泡熟整只羊，然后再将佢吊干控水，所
📍元朗朗日路9号形点 I L2楼2040号舖
星期日晚我同老爸二人食晚餐，特登拣咗佢钟意食嘅中菜。Yoho入面我只系食过几间中菜，当中最得我欢心嘅就系莆田，所以我就带未食过嘅老爸试吓，食过之后佢即刻问中秋节有无得订枱，睇嚟都几满意㖞。
[价钱 Price]
💰$28
肉松茄子 🍆
呢个真系不得不介绍，价钱平不特止，仲大大碟，有六七嚿炸得香脆可口嘅茄子。因为唔知道一份有咁多，我同老爸一人点咗一份，份量应该够成个家庭食！炸茄子本身无咩调味，味道较淡，但裹上带点咸香嘅肉松后，口感同味道都有升华，之前一直都忽视左佢嘅存在，所以觉得一定要推介俾大家！
[价钱 Price]
💰$38/片 (2片起售)
黄金荷叶包 🍔
呢道黄金荷叶包每次嚟基本都会点嚟食，因为有得玩有得食，洋葱肉丝无论净食定夹包食都好味道，加上芝麻香气，相信无人会唔钟意食。
[价钱 Price]
💰$158
白切羊肉 🐑
又点会估到单纯用热水泡熟嘅羊肉会咁鲜美？一般唔钟意食羊嘅人，应该系接受唔到羊膻味，所以有唔少羊肉菜式会加入大量香料，希望可以盖过羊膻，但此举同时会盖过羊肉自带嘅鲜味。莆田只会选择6个月以下，满20斤嘅肥羔羊，以不加任何助料嘅方式用滚烫嘅热水泡熟整只羊，然后再将佢吊干控水，所以先会做到肉鲜嫩，皮Q弹嘅口感！
我老爸对呢道小菜赞口不绝，话些少羊膻味都食唔到，第一啖食落去会觉得味道较淡，但慢慢细嚼后就会食到羊肉嘅鲜味。而我就觉得点酱油之后会好食啲，更能提鲜，各有各嘅食法。
[价钱 Price]
💰$188
蒜蓉豆豉蒸鳗鱼 🐟
趁着鳗鱼节，我哋都叫返个鳗鱼菜式嚟试吓。我哋拣咗蒜蓉豆豉蒸鳗鱼，莆田选用阳江豆豉，咸香嘅豆豉味渗入鱼肉，由内到外都食到满满嘅豆豉香。鳗鱼肉质结实，唔算好多骨，鲜味十足。鳗鱼嘅底部放咗厚厚嘅腐皮，索尽豉油同鳗鱼嘅精华。
[价钱 Price]
💰$98
农家擦粉 🍲
之前食过佢哋嘅饭同炒米粉，今次想试吓一啲特别啲嘅主食，所以就叫咗呢个农家擦粉。叫之前其实都唔系好知佢系咩嚟㗎，嚟到先见到原来系好似大肠面线咁嘅质感。擦粉嘅汤底系用猪棒骨同老母鸡熬成，加入二十多种原料及不同食材，例如虾肉、九转小肠、蛏子肉、滑豆腐等，配上碎断嘅米粉一齐食，堪称主食中嘅佛跳墙，钟意食浓汤嘅朋友必试！
张贴
