影片
更多
2024-10-12
243 浏览
附近无其他车仔面选择，自少好车仔面嘅我，当初知道佢系屋企附近开店，初心是颇兴奋嘅。初顾永年系weekend晚上八点到，见佢有手机落单，就自己落咗单比埋钱，系舖头门口耐心等待。如是者见佢无人整面，但不停哋执嘢，倒车仔𩠌。一路清，一路吹。连厨房个位都走埋出嚟一脸攸闲地吹水。点解有单未做，就咁快执嘢倒𩠌嘅？ 商场收十点, food court last order都应该要9:30。咁快执嘢谂住等到收工。等咗十分钟都见佢自顾自倒𩠌、清洁，就埋佢问佢啦。佢竟然不满地话佢无单未清，我提佢系手机落单比钱。佢先突然惊醒梦中人，走去单机揾返我张单。继续慢条斯理地一路倾一路整，至上餐时仍然一句唔好意思都无。食物质素麻麻，到晚市猪皮都系硬嘅，全部𩠌都系同一个味，就算卤水嘢都无卤水味，咖喱亦无咖喱味。二顾永年晚上八点前到。今次无开始清场倒𩠌，但系继续黑口黑面，闹客。有客埋嚟话佢碗面系清汤，比佢哋落咗麻辣汁食唔到，叫佢哋比碗清汤沟稀佢。佢无道歉不特只，仲闹返个客，话都唔知系咪真系有帮衬嘅，然后见个客继续企系度先拎碗汤比佢。到我自己个碗，竟然都系一样。手机落单嘅咖喱汁变咗麻辣汤。为免再被漏单就叫收银落单，收银一嘢
初顾永年系weekend晚上八点到，见佢有手机落单，就自己落咗单比埋钱，系舖头门口耐心等待。如是者见佢无人整面，但不停哋执嘢，倒车仔𩠌。一路清，一路吹。连厨房个位都走埋出嚟一脸攸闲地吹水。
点解有单未做，就咁快执嘢倒𩠌嘅？
商场收十点, food court last order都应该要9:30。咁快执嘢谂住等到收工。
等咗十分钟都见佢自顾自倒𩠌、清洁，就埋佢问佢啦。
佢竟然不满地话佢无单未清，我提佢系手机落单比钱。佢先突然惊醒梦中人，走去单机揾返我张单。
继续慢条斯理地一路倾一路整，至上餐时仍然一句唔好意思都无。食物质素麻麻，到晚市猪皮都系硬嘅，全部𩠌都系同一个味，就算卤水嘢都无卤水味，咖喱亦无咖喱味。
二顾永年晚上八点前到。今次无开始清场倒𩠌，但系继续黑口黑面，闹客。
有客埋嚟话佢碗面系清汤，比佢哋落咗麻辣汁食唔到，叫佢哋比碗清汤沟稀佢。佢无道歉不特只，仲闹返个客，话都唔知系咪真系有帮衬嘅，然后见个客继续企系度先拎碗汤比佢。
到我自己个碗，竟然都系一样。手机落单嘅咖喱汁变咗麻辣汤。为免再被漏单就叫收银落单，收银一嘢片埋嚟唔肯，仲叫我用手机比埋钱，唔好烦佢。
之后再有客人要求佢哋落单，佢哋猛话只可手机落。以前开咗咁耐都可人手落单，而家竟然拒绝仲话返个客转头。咁个收银企系银机做咩呢？全职闹客？
三顾系平日中午前时间，我唔想同佢嘈，自己手机落单算，落单时同佢讲要食瘦猪肠，叫佢帮手提醒。
差不多八十蚊碗车仔面，终于猪肠完全系肚满肠肥，肥膏多到漏出嚟。加上明显开舖时都未煮够时间，系咬唔开嘅。
鱼蛋同红肠明显系冰箱直出，完全未解冻。满满雪味不特止，中间位仲要唔热嘅。
红肠成旧肠尾唔切开，连尾个节位都无切走。成旧肠完全咬唔开。
鱿鱼我估佢系同鱼蛋同红肠一齐渌，所以严重overcook, 所以都系韧到咬唔开。
3 浏览
0 赞好
0 留言
终于成碗面，真心放得落肚嘅只系公仔面。但话晒成八十蚊碗加上决心唔再帮衬，我都勉强食晒佢。
三顾后回顾，舖位开得咁靓，对正入口，仲有自家用餐区。老细应该比咗好多钱租呢个位。
而人手充裕都难以想像，基本上净柜位未计厨房手都有四五个人，企满晒个counter。成个food court佢哋最多人招呼客人。
老细原意应该想分工细致啲、出餐质量好啲，快手啲。
点知花咁多资源，造就出嚟嘅系员工挂住倾计，唔专心，手机落单应可减少出错，但都永远有嘢错，出餐慢，出错嘢仲闹客。
我本人应该永不回头帮衬啦、宁愿行远啲去大角嘴大把选择，又平又高质
张贴
