影片
更多
2018-05-24
205 浏览
今晚想疯狂叫小食就去出左名平，唔需要加一，又好耐无去既萨利亚。去到竟然要等15分钟先有位，真系好受欢迎。2个人被安排4人枱，都算舒服。然后最恐怖既事出现了......枱面有4只碟叠系枱面，最面既第一只碟睇落去系干净既，点知一拎起，第二只碟系污糟既，污糟既程度，并唔系洗唔干净，而好明显系上一手食完野既碟然后第三第四只碟都系咁污糟，真系好恶心真系第一次遇到尼种情况 (以前帮衬过几次都正正常常)。心情已经好差，但又唔想再转场，唯有叫侍应拎过新既碟我地叫左辣味鸡翼、肉酱多利亚、黑椒蚬肉同照烧汁肉眼牛扒。辣味鸡翼(8只) ($32)$32有8只鸡翼真系好扺食。上菜既时候仲暖暖地，味道辣辣地，唔错。不过摊冻左之后，ｄ肉好实，唔好食，要趁热食先好味。肉酱多利亚 ($27)以前食过萨利亚既经验，系唔好叫意粉，原因系上菜后d意粉好快会冻哂，唔好食。唔通系因为冷气太大? 但食过其他餐厅既意粉就唔会有尼个情况。所以每次去萨利亚都会叫铁板上既饭最稳阵，唔会咁快冻哂。肉酱多利亚既肉酱同饭既比例大概系50:50，每啖饭都有啖啖既肉酱，同埋芝士，真心推介尼款，好味！黑椒蚬肉 ($19)$19有咁大碟蚬肉真系好抵。”
2个人被安排4人枱，都算舒服。然后最恐怖既事出现了......枱面有4只碟叠系枱面，最面既第一只碟睇落去系干净既，点知一拎起，第二只碟系污糟既，污糟既程度，并唔系洗唔干净，而好明显系上一手食完野既碟然后第三第四只碟都系咁污糟，真系好恶心真系第一次遇到尼种情况 (以前帮衬过几次都正正常常)。心情已经好差，但又唔想再转场，唯有叫侍应拎过新既碟
我地叫左辣味鸡翼、肉酱多利亚、黑椒蚬肉同照烧汁肉眼牛扒。
辣味鸡翼(8只) ($32)
$32有8只鸡翼真系好扺食。上菜既时候仲暖暖地，味道辣辣地，唔错。不过摊冻左之后，ｄ肉好实，唔好食，要趁热食先好味。
肉酱多利亚 ($27)
以前食过萨利亚既经验，系唔好叫意粉，原因系上菜后d意粉好快会冻哂，唔好食。唔通系因为冷气太大? 但食过其他餐厅既意粉就唔会有尼个情况。所以每次去萨利亚都会叫铁板上既饭最稳阵，唔会咁快冻哂。肉酱多利亚既肉酱同饭既比例大概系50:50，每啖饭都有啖啖既肉酱，同埋芝士，真心推介尼款，好味！
黑椒蚬肉 ($19)
$19有咁大碟蚬肉真系好抵。”友人”话蚬肉无乜砂，都几鲜甜，系佢每次既必叫之选。
照烧汁肉眼牛扒 ($59+$6白饭)
食过咁多次萨利亚都无叫过铁板餐，原因系比起其他小食、饭同意粉，价钱无咁抵。铁板餐同白饭上菜时唔算热，都系暖暖地。“友人”话质素好过茶餐厅，粟米配烧汁好味。不过加埋白饭要$65一个铁板餐既话，我会选择大家乐大快活，起码系热辣辣。
整体而言，以尼个价钱仲唔需要加一，味道ok，真系好抵食。虽然亲眼目睹d碟咁污糟，不过我相信隔好耐好耐之后都会再帮衬下，希望唔会再咁唔好彩啦。
题外话/补充资料：
上openrice写食评既时候，发现其他食客都好似无遇过咁污糟既碟，可能个日真系唔好彩。但正常一间餐厅都唔应该俾尼种甩漏情况出现。
(以上食记乃用户个人意见 , 并不代表OpenRice之观点。)
张贴
