皇室甜品 (已結業)

同朋友系附近食完四川串烧之后意犹未尽，一半赶住返屋企，仲有d 好似我甘，仲未想散场住，上一场饮到兴起，梗系口水多，所以就转𠮶弯，揾咗呢间甜品店坐低食甜品。餐牌太多选择了！各式各样嘅甜品都有！店家话佢哋主打芒果同榴梿。我叫左杨枝甘露($30), 九秒九就上台啰。好快！一开始食佢𠮶面果层，佢哋用一啲透明嘅啫喱，代替左西米露。呢啲透明珠珠一啲味都冇，所以初初食果几多啖，唔系搅得太匀，太淡口。之后混合底下嘅芒果汁就觉得好食好多！里面大约用咗半个芒果来做，用料丰富。另一个我觉得做得唔错个系比利时窝夫($43)。佢每一格都放咗一蛋黄忌廉，虽然感觉上有啲奇怪但系唔会太甜，窝夫系做得软身，而且有点热辣辣，好似食鸡蛋糕甘。