鼎泰豐

营业中

休息中

星期六中午，超多人等位，不过餐厅大，人手够，所以都好快有位，大概15mins 吧！有两个人嘅卡位，都坐得几舒服，好似点心纸咁自己划。大概厨房都几多人，因为好有效率，几分钟就有野食，出菜同上菜系唔同人，感觉卫生专业，呢种服务好少见，喺米芝莲三星餐厅就有见过。蒜炒波菜苗～74菜心苗就听过，波菜苗未听过，卖相好翠绿，不过又真系几嫩几好食。清炖山药菌菇汤面～84汤同面系分开上，汤好热，汤料好足，有草虫花，鸡脾菇，淮山……，汤好清，其实味就唔系太够，不过健康。鸡肉小笼包～68一笼6件，size 偏细，我觉得个汤好似无以前咁好味，不过呢个以前都好多年前了🤣, 上一次食鼎泰丰应该系6年前喺尖沙咀，再上一次可能佢8年前喺台湾🤣🤣。整体单价贵，不过服务好，都坐得舒服。