牛摩+ (上水廣場) (已結業)

牛摩+喺上水开咗新分店，夜晚约埋friend去食放题，我哋叫咗美国极上和牛火锅，限时90分钟～美国极上和牛真系MVP油脂分布平均，真系食到好重嘅牛味，灼一灼食就啱啱好，唔会有筋，我哋食完一轮都再encore，第二轮嘅和牛同样高质，质素好稳定😋美国黑豚肉、鸡肉、蟹籽手打墨鱼滑等同样都系要落order，上菜速度都够快👍蔬菜同丸类就系自助形式，放喺冻柜入面，而且店员都refill得密，望落干净企理。蔬菜比较特别嘅系有羽衣甘蓝同埋红苋菜。丸类都有近10款，我钟意嘅有麻吉烧同埋芝士豆腐，Q软嘅麻糬同埋融化嘅芝士够晒口感！汤底本身想要有得意公仔样𠮶个博多美人骨胶原啫喱鸡白汤，不过数量有限食唔到，叫咗虫草花鸡白汤同埋豚骨浓汤🍲我哋平日夜晚嚟食，6点几已经开始多人要等位，睇嚟新开张好受欢迎！