百喜粥店

营业中

休息中

今日早上要去上水做交收，一大清早搭火车入上水，入到上水先揾个早餐食，喺上水火车站行去石湖墟方向，经过上水广场见到龙琛路有间粥店，百喜粥店，原来又系有多间分店嘅粥店，而家好似比较少独立嘅粥店。餐牌有啲熟面口，又系分开即熟粥同生滚粥，我自己本身对生滚粥无太大喜好。简简单单皮蛋瘦肉粥，皮蛋切一角角，咸猪肉切一条条，个粥好热明显系滚热辣淋上，粥好绵滑仲见到有开晒花嘅米，皮蛋同瘦肉都唔少够足料。炸两，肠粉皮薄油炸鬼仲系脆，肠粉皮薄又唔一定好，系个人口味，可能系即包无耐，我就好喜欢呢个皮薄油炸鬼脆嘅炸两，加芝麻甜酱麻酱最佳。