上海婆婆 (黃大仙中心北館)

营业中

休息中

带朋友黎黄大仙行景点，晚饭拣黎呢度食正宗上海菜。餐厅以木系为主，座位宽敞舒适，食物种类劲多选择。七点到达，餐厅已差不多座无虚席，可见餐厅质素应该唔错。茗茶 (每位$6)上海小笼包   $45小龙包系上海菜必点菜式。热辣辣蒸笼上枱，小龙包皮薄，轻轻咬开，内里劲多肉汁涌出，清甜带肉香。再蘸上姜丝醋一齐食，非常绝配。砂锅云吞鸡(小)   $102两个人食，所以点左小份量，但已经十分够食。鸡肉嫰滑，云吞大大粒，仲有金华火腿同有娃娃菜。汤底好清甜，好适合我口味。但对朋友黎讲比较淡。所以餐厅都准备左一小碟豉油，可因应自己口味加入适当份量。朋友加左少少，话觉得鲜味更加提升。外婆红烧肉   $92朋友最钟意食红烧肉，红烧肉制作工序繁复， 系传统手工菜。秘制酱汁香浓带点甜味，粟子好入味，红烧肉肥瘦均匀，入口即溶。见到餐牌上嘅甜品，款款都想食。最后点左2款上海菜必点甜品～。豆沙锅饼  $58上海菜甜品之一，一份有8件，饼皮炸得金黄香脆，无多余油份，入面薄薄一层豆沙，甜而不腻。高力豆沙 (4件)   $58另一必点甜品～ 软绵绵嘅高力豆沙，咬落非常柔软，馅料同样系豆沙，不过豆沙馅料份量比豆沙窝饼少。