王家沙 (已結業)

今日同朋友行完街，经过见呢间王家沙唔洗等位，又好耐无食过上海菜就去试下。醉嘉美鸡：鸡肉几嫩滑，而且皮薄唔肥腻，酒味亦唔算太过强烈，食落有微微既酒香，唔错。酸辣汤馄饨:材料丰富，可惜个人觉得唔够酸辣，有少少失望。馄饨皮比较薄，所以一夹就烂，不过馅料好足料，都可以一试。脆皮素鹅：外层腐皮煎到香脆又唔太干身，配合我至爱既冬菇及木耳，食落更有口感好好味。豆沙窝饼：豆沙馅唔会过甜，饼皮亦唔会太厚，食落一Ｄ都唔觉油腻，唔错既晚饭甜点。