上海姥姥 (錦薈坊)

营业中

休息中

是日红日，晚市时段唔使等位就可以入座。睇完餐牌后，手机落单。一行4人，由于肚饿，好快叫左想食嘅𩠌菜：🥢银丝卷（炸）即系炸馒头，银丝卷个名改得好好听；一口咬落去系一层薄薄外脆表面，内在面团软熟有质感，沾上练奶就令口感更丰富。🥢上海炒年糕出奇地入味而且烟韧与腍身恰当好处，配菜有镬气！🥢姥姥小笼包保持水准，皮薄肉嫩。🥢红油抄手主角云吞失色了，馅料比较实，而且食落有啲碱水味，有啲可惜。🥢老上海素肉炒饭虽然系素食，但有镬气之余，又有口感，整得好好味。🥢香煎素鹅以为佢系冷盘，迟迟都未上菜，原来系热食，端来时热焫焫，皮脆脆的，唔错。🥢干煸素肉四季豆好送饭，四季豆熟之余保持爽口。添茶水好快，有效率。