翡翠拉麵小籠包 (已搬遷) 新店位置

好耐又冇同一班好朋友岀黎食野 自從大家都要番工之後都冇咩時間 前晚終於約齊人 成班人可以岀黎聚一聚舊 我地今次就揀左食番最中意嘅翡翠 例牌一定要叫上海小籠包 38蚊4隻幾掋食 輕輕一細咬 熱辣辣嘅肉汁就爆岀黎 好彩冇大啖食 唔係肯定會辣死 由於我個friend好食得辣 我地之後仲叫左個口水雞拉麵 真心唔食得辣嘅我真係覺得有d麻辣 不過d雞係幾幼嫩 食得辣嘅朋友可以一叫試下 我地仲叫左個麻醬青瓜拌粉皮 冇叫雞絲粉皮係因為想食素d😂個醬都幾多不過係好食