諸勝堂

营业中

休息中

今日下昼黎到上环食晏，路经呢间舖仔细细既诸胜堂，见等既时间唔一耐就入左去。同女朋友两叫左一个餐分别系: 自家制叉烧鲜忌廉猪骨汤意粉，配奶油猪同牛乳炒滑蛋，另一个就系自家制xo酱肉眼猪扒饭，饮品就叫左冻奶茶。先上枱既系奶油猪同炒滑蛋，奶油猪既脆边再加埋上面既奶油简直系完美配搭，第一啖咬落去既系个脆边，啱啱好唔会过㶶，第二啖就食到佢地香浓既奶油，真系好好食，而平时唔食炒滑蛋既我都食到上左瘾，因为真系滑得黎好香蛋味，叉烧意粉，讲得出自家制就唔系普通烧味档货色，唔会有黑色既㶶边，而且口感结实，咸甜度适中，同汤意粉好夹。另一碟系xo酱猪肉眼扒饭，xo酱同样系自制既，油份唔多，反而个料好丰富，食得出有虾干，而猪肉眼扒就好似猪柳咁，无骨啖啖肉，而且肉质好爽，以呢戈个价钱黎讲，绝对超值。