劉興記生煎包專門店

营业中

休息中

最新上环见到有主打爆汁生煎包嘅刘兴记，晏昼经过所以同朋友去试吓。食物种类都几多，除左包仲有各种上海面食同小食，亦有套餐可供选择，套餐有一款肉、一件生煎包、饭或者面、饮品豆浆。生煎包包底煎得香脆，一咬立即涌出唔少汤汁，连埋猪肉一齐食好正！鸡扒葱油拌面嘅味道比较简朴，如果多啲葱就更好，至于鸡扒炸粉好薄，炸到好脆身。朋友叫咗另一个套餐，拣咗猪扒菜饭，猪扒都炸到相当之软腍，而菜饭粒粒分明，都系一个唔错嘅选择。另外仲叫咗小笼包，值得一赞系个皮完全冇穿，咬落去劲多汤汁👍🏻套餐包豆浆，充满豆香味，亦唔会过甜。价钱几亲民，难怪咁多街坊帮衬啦！