影片
更多
2024-12-17
0 浏览
Sofi PASTA Co.📍上环文咸东街6号地舖踏入十二月，除咗系我最爱嘅圣诞月外，亦系朋友嘅生日月，今年我为佢准备咗两餐精致晚餐庆祝，事不宜迟，先为大家介绍下生日第一弹！经我精挑细选，Sofi呢间新开嘅本地意粉咖啡店成为我嘅首选！除咗因为喺社交平台预约同沟通生日写字嘅过程顺畅，实际到店嘅氛围亦令我无后悔选择一间新店同朋友庆生。Sofi主打pasta同coffee，下层只有数个座位俾人叹啡叹cake，上层先系用餐区。两层风格都以原木为主调，搭配灰、白、米啡色餐牌同别致嘅厚玻璃杯、橱，简约得嚟好有气氛，有feel得嚟唔会过分压迫。 💰$138经典卡邦尼烟腩肉麻花卷粉 🥓喺香港地要食到唔同种类嘅意粉，多数都要去手工意粉店或意粉专门店先有得选择。估唔到店舖细细嘅Sofi就已有5款不同特色嘅意粉供应，实在令人惊喜。Casareccia因为其形状同麻花相似，所以有麻花卷粉之称，弹牙、挂汁力强等都系佢嘅特色。以Casareccia煮经典Carbonara就可以吸收大量酱汁，啖啖咬落都富有口感！而且除咗一般烟肉碎，佢哋仲特选厚切烟腩肉，肥瘦均衡之余，能做到肥肉不腻、瘦肉不柴嘅效果，配埋shredd
📍上环文咸东街6号地舖
踏入十二月，除咗系我最爱嘅圣诞月外，亦系朋友嘅生日月，今年我为佢准备咗两餐精致晚餐庆祝，事不宜迟，先为大家介绍下生日第一弹！经我精挑细选，Sofi呢间新开嘅本地意粉咖啡店成为我嘅首选！除咗因为喺社交平台预约同沟通生日写字嘅过程顺畅，实际到店嘅氛围亦令我无后悔选择一间新店同朋友庆生。
Sofi主打pasta同coffee，下层只有数个座位俾人叹啡叹cake，上层先系用餐区。两层风格都以原木为主调，搭配灰、白、米啡色餐牌同别致嘅厚玻璃杯、橱，简约得嚟好有气氛，有feel得嚟唔会过分压迫。
[价钱 Price] 💰$138
经典卡邦尼烟腩肉麻花卷粉 🥓
喺香港地要食到唔同种类嘅意粉，多数都要去手工意粉店或意粉专门店先有得选择。估唔到店舖细细嘅Sofi就已有5款不同特色嘅意粉供应，实在令人惊喜。
Casareccia因为其形状同麻花相似，所以有麻花卷粉之称，弹牙、挂汁力强等都系佢嘅特色。以Casareccia煮经典Carbonara就可以吸收大量酱汁，啖啖咬落都富有口感！而且除咗一般烟肉碎，佢哋仲特选厚切烟腩肉，肥瘦均衡之余，能做到肥肉不腻、瘦肉不柴嘅效果，配埋shredded cheese一齐食，真系无得弹！
[价钱 Price] 💰$128
麻辣奶油虎虾饮管粉 🍝
Bucatini则好似饮管，圆身中空嘅面条更有弹性，口感比一般意粉好，里里外外都可以沾上微辛微麻嘅麻辣酱汁，层次亦有提升。三只弹牙虎虾交织一齐，颜色鲜艳，非常presentable。如果以为佢只系regular嘅红酱意粉，相信食落一定会好惊喜！
[价钱 Price] 💰$57
开心果白玉燕麦奶 🥛
开心果燕麦奶上有厚厚一层奶泡，洒上开心果碎，杯缘置上一串白玉，日系风满满。燕麦奶嘅开心果味虽比较subtle，但入口顺滑，无一般开心果饮料嘅甜腻感。白玉软软QQ，沾少少奶泡食又几夹，饮落清香无负担，值得试试。
[价钱 Price] 💰$68
有牛奶麻薯的糖不甩提拉米苏 🍡
貌似刚才介绍嘅热饮，实际上系牛奶麻薯的糖不甩Tiramisu！佢完全无咖啡味，mascarpone cheese中夹有软轜牛奶麻薯，面上洒有香脆白芝麻，整体奶味浓香不膻，唔钟意咖啡但想食tiramisu嘅朋友，绝对要试下呢款咁别出心裁嘅甜品！
最欣赏小店供应嘅甜品可以即场选择写碟服务，庆生嚟呢度真系无拣错。如果想好似我咁，唔净止得「Happy Birthday」祝福语，写埋朋友仔名，记得订位时提前同店员夹好啦！
张贴
