影片
更多
2023-11-28
575 浏览
今日有事要嚟上环办，搞掂就约喺附近返工嘅朋友一齐食晏。朋友想叹茶，醒起信德中心有间「望月轩」。酒楼位于离境大堂澳门广场内最深处，店内装潢优雅，以青花瓷器及书法作品为装饰，加上落地大玻璃，可以饱览 180 度无敌大海景，令人赏心悦目。点心选择不少，除咗蒸点、肠粉、煎炸类、汤面、水饺等之外，最吸引嘅就系雀笼点心拼盘。先嚟一客鸡丝粉皮 ($78)，鸡丝好嫩滑，粉皮软身烟韧，青瓜丝切得幼细又爽口，配上香浓嘅麻酱，好醒胃上汤福州太平肉燕 ($59) 肉燕系福州特产，形状似燕子，以汤浸方式烹煮，外皮有油润胶质感，肉质鲜美弹牙，一啖一只啱啱好。雀笼点心拼盘 ($168) 拼盘卖相好靓，以雀笼摆设呈上，顶层有大桔大利包 同 望月小笼包。大利包造型精美；小笼包外皮厚薄适中，肉馅甘香松化，入口爆汁💦中层有鲜虾饺同烧卖皇，虾饺外形饱满，饺皮软熟，入面包住原只鲜虾；烧卖大大粒，上面加咗蟹籽，入口卜卜脆，猪肉爽口入味。底层有虾多士同啤梨咸水角，虾多士铺满弹牙虾肉同粒粒芝麻，食落松脆又唔油腻；咸水角外脆内软糯，清甜外皮与肉香馅料带出咸甜口感。脆皮五香素鹅 ($88) 腐皮香脆松化，入面包住满满嘅红萝卜丝、木耳同
今日有事要嚟上环办，搞掂就约喺附近返工嘅朋友一齐食晏。朋友想叹茶，醒起信德中心有间「望月轩」。
酒楼位于离境大堂澳门广场内最深处，店内装潢优雅，以青花瓷器及书法作品为装饰，加上落地大玻璃，可以饱览 180 度无敌大海景，令人赏心悦目。
点心选择不少，除咗蒸点、肠粉、煎炸类、汤面、水饺等之外，最吸引嘅就系雀笼点心拼盘。
先嚟一客鸡丝粉皮 ($78)，鸡丝好嫩滑，粉皮软身烟韧，青瓜丝切得幼细又爽口，配上香浓嘅麻酱，好醒胃
上汤福州太平肉燕 ($59) 肉燕系福州特产，形状似燕子，以汤浸方式烹煮，外皮有油润胶质感，肉质鲜美弹牙，一啖一只啱啱好。
雀笼点心拼盘 ($168) 拼盘卖相好靓，以雀笼摆设呈上，顶层有大桔大利包 同 望月小笼包。大利包造型精美；小笼包外皮厚薄适中，肉馅甘香松化，入口爆汁💦
中层有鲜虾饺同烧卖皇，虾饺外形饱满，饺皮软熟，入面包住原只鲜虾；烧卖大大粒，上面加咗蟹籽，入口卜卜脆，猪肉爽口入味。
底层有虾多士同啤梨咸水角，虾多士铺满弹牙虾肉同粒粒芝麻，食落松脆又唔油腻；咸水角外脆内软糯，清甜外皮与肉香馅料带出咸甜口感。
脆皮五香素鹅 ($88) 腐皮香脆松化，入面包住满满嘅红萝卜丝、木耳同冬菇等，入口油而不腻，唔使点浙醋食都已经好够味。
蒜香带子粒翠炒饭 ($168) 碟饭炒得好够镬气，米饭粒粒分明、润而不干；配料有带子、翠玉瓜、粟米粒同蛋丝，份量十足。
擂沙汤丸 ($38) 汤丸烟韧软滑，面头沾满黄豆粉，入面嘅芝麻馅香浓流心，趁热食好滋味。今餐食得好满足，点心质素唔错，而且侍应殷勤有礼，服务态度良好，值得赞赏。
张贴
