Poking

今日同老公去左上环兆成行探店，探完就开始肚饿。见到对面有间小店就顺道探埋。😋😋入到去坐低发现原来系行健康路线，啱哂我老公！成日话减肥但系仲系咁食。结果就一人嗌左一个饭。😝老公叫左creamy baby，一放上枱就知绝无欺场，劲多三文鱼同木鱼碎，望到哗一声。三文鱼同牛油果好夹，再加啲芥末蟹籽，帮成个饭加添味道层次。佢仲有啲青瓜粒同豆腐，成个饭嘅口感极丰富！老公再配左个奶茶高蛋白饮品，一嚟满足下佢奶茶瘾，二嚟又比一般奶茶健康，一举两得！🤩我就叫左个自选，要左呑拿鱼，蒽，蟹柳同椰菜花，配原辣酱油。佢一嚟到嘅摆盘又系好吸引，呑拿鱼完全无根配上蒽同酱油真系一绝。鱼嘅份量又够多，绝对唔系得几粒嘅gimmick嘢。我就咁叫左个热柠水送下，系见到柠檬片，唔系用柠檬汁开，值得一赞。呢次探店十分成功，又探到香油又探到食物。如果下次去开附近都会再去食！