Poking

今日同朋友去健身室做完运动，之后拣咗上环苏杭街一间叫「Poking」嘅餐厅食poking bowl。呢间餐厅堂食嘅座位唔多，枱头见到好多外卖单，可见Poke Bowl无论堂食定外卖都咁受欢迎。打开餐牌主要分咗三类，包括餐厅预先设计好嘅signature bowl、高蛋白沙律精选同高纤荞麦面精选，就算餐厅嘅signature bowl唔啱胃口，顾客都可以按自己嘅喜好逐项选择配搭，选项仲超过三十款，可以配搭出独一无二嘅Poke bowl!我哋嗌咗I am greedy同creamy baby两款signature bowl，前者嘅材料有三文鱼、吞拿鱼、鲜虾、蟹柳沙律、蟹籽、鸡蛋丝、青瓜、枝豆同芝麻；后者有三文鱼、牛油果、鸡蛋丝、豆腐、青瓜、蟹籽、木鱼丝、脆炸蒜粒同芥末乳酪沙律盛。三文鱼同吞拿鱼嘅肉质鲜嫩肥美，鲜虾爽口弹牙，其余嘅蔬菜都要好新鲜，base可以拣寿司饭、寿司饭拼沙律菜或者荞麦面，份量好足，不论男女都会食到好饱，而且餐厅全部嘅食材都会采用最新鲜嘅蔬菜同高蛋白质嘅肉类，绝对适合各位减肥增肌嘅健康人士！📍上环苏杭街121号地舖位置就脚：🍊🍊🍊🍊餐厅环境：🍊🍊🍊🍊食物味道：🍊🍊🍊🍊🍊整