Sabor Spanish Touch Private Kitchen

营业中

休息中

今日去咗公司附近一间隐世西班牙私房菜，佢可以tailor made menu同食品，同埋会细心check你唔食啲咩。今晚大约每人$500-600✨大厦门口系内街，一入到去虽然唔系好大但个环境好cozy同decent，仲免开瓶费，最啱一班人包场庆祝🎉🍞面包配tomato salsa一坐低就会俾自家制嘅橄榄，外脆内软面包配一个有好清新蕃茄味嘅tomato salsa作为开始。🌿炒墨鱼伴番茜Parsley Garlic sauce墨鱼炒到好香，口感弹牙唔靭。个酱系亮点！少少番茜配浓烈嘅蒜头油，会有少少辣，超级惹味。🦐蒜片橄榄油虾配面包上菜时橄榄油仲系滚㗎，配面包食好似西式虾多士。虾肉弹牙鲜味。🥚Soft boiled egg大啡菇一切开只蛋就流心，配上酱汁同juicy到爆嘅大啡菇啱啱好。🍖西班牙乳猪皮脆肉嫩，仲要皮下有层薄薄嘅肥膏，好邪恶。下面仲有薯仔吸咗乳猪嘅油脂香。⭐️Tiramisu + 自家制黑芝麻雪糕Tiramisu下面唔系手指饼系自己整嘅蛋糕。自家制黑芝麻雪糕超级浓郁，每一啖都食到黑芝麻。🍓士多啤梨蛋白糕记得呢个一定要士多啤梨同埋蛋白糕一齐食，咁样酸甜度先啱啱平衡到。