臺北棧 (港威商場)

营业中

休息中

日元咁低水，呢期真系冇咩动力飞去台湾，唯有系香港 check in 台北打打咭。尖沙咀店系港威商场，装修好有心思，特别钟意卡位一个个灯牌，台湾感觉返晒啦。以为呢个位食野会好贵，其实又唔系，同其他地方食台湾野都差唔多价钱。手工凤梨酥麻糬蛋挞 $48蛋挞结合凤梨酥麻糬，呢个组合真系要试试。表面睇唔到佢有几劲，切开就见到厚厚蛋挞，一层麻糬，再凤梨酥，流晒口水。如果你打算一人食一个，真系要有打大佬既心理准备。招牌卤肉饭 $68卤肉饭冇拆招牌，卤肉肥瘦均匀，卤肉足，加半只蛋靓仔晒。脏脏咸蛋黄芋泥馅饼 $88紫黄配色系几吸引，更吸引既系中间厚厚芋泥，难得咸蛋黄味唔会抢晒芋泥味，又系饱到一碟都会ko你。招牌牛肉面 $118可以拣手工刀削面或台湾宽粉丝。牛肉面汤没死咸，亦不抢喉，特意加上牛油脂，味道就更香。牛肉腍，刀削面口感满满，整体都有水准。蒜香三色台肠 $68三色台肠劲量多，食极都仲有，蒜香味一啲都唔抢。宇治抹茶牛乳 $55抹茶味浓而不涩，加牛乳口感香滑。