明閣 (鷹君中心)

有事要去会展一趟，做完嘢行返去会展站，原来湾仔明阁就喺站外既鹰君中心。横掂未食饭就入去睇下有无位。幸运地有一枱取消，可以即入。即时上网睇睇有咩必点菜，首先蜜汁叉烧系必点菜式。再问服务员有咩靓烧味，服务员介绍叉烧拼烧鹅，上菜竟然俾咗烧鹅髀，实在幸运。叉烧完全冇筋，烧鹅皮香到不得了。果然冇介绍错。点心点了蜂巢护角，海皇脆米肠，香口野好好食。不得不提雪山竹炭叉烧包，即叫即做，热辣辣，雪山甜叉烧香，味觉享受。最后甜品点了蛋白杏仁茶及红枣糕，暖暖胃。正餐感觉烧味到位，点心精致。可以再去。