第三站

呢排成日出旺角，虽然旺角嘅食肆多到食一年都食唔完，但系每次出到嚟又系谂唔到想食乜，忽然记起公司嘅90后有提及过喺金鸡广场有间楼上Cafe，环境舒适性价比高，所以就一于上嚟试吓。入面景观开扬，而且用上白色梳化同家私，日光照射吓环境好光猛，而且睇得出好干净，所以都好放心喺度食嘢同埋逗留得耐啲。午餐时段有lunch set供应，价钱由$68起，主要都系饭同意粉类，亦包一杯饮品，价钱相宜。另外当然系有好多唔同嘅特色饮品，咖啡、朱古力、沙冰、乳酪、花茶等等，应有尽有。我不嬲都比较为食，所以除咗叫lunch set，都另外叫咗几款小食，首先餐前就梗系要食个沙律啦，我就拣咗烟三文鱼沙律，沙律菜新鲜，烟三文鱼份量都唔少，酱汁用上胡麻酱，食完醒神又开胃。另外叫咗炸鱼手指配薯条，食得出佢系即叫即炸，并唔系炸定先嘅，亦估唔到佢嘅薯条系超好食，每条系炸得外脆内软，鱼手指有三条，非常香脆又干身，如果带小朋友嚟一定好欢喜。蜜糖鸡翼都好食，同埋总共有六只，以Cafe来讲呢个价钱我觉得都几抵食。黑松露带子鲜菌烩意大利饭每一啖都充满黑松露嘅香味，再混合埋芝士一齐食，真系令人回味无穷。材料方面，除咗有几款唔同嘅菌类之外，