遇見花蓮

营业中

休息中

今天同朋友喺炮台山英皇道后面条街扫食肆，拣咗间台式店。叫咗两个小锅——沙茶牛肉锅同泡菜豚肉锅，加埋麻辣鬼椒鸡腿蛋吐司同嘉义手工蛋饺，丰富到唔识形容。细讲下两个锅，牛肉锅有牛筋、牛肚和牛丸，豚肉锅就多咗粟米同蕃茄。基本配料一样——冬菇、娃娃菜、鹌鹑蛋、甜不辣、福州鱼丸、芋头贡丸、蜂巢豆腐，蛋饺，真系满满一锅料！沙茶锅香浓惹味，泡菜锅酸辣开胃，但煮耐咗会辣到想饮汽水。主食拣粉丝吸汁，食到最后真系无得输。麻辣鬼椒鸡腿蛋吐司，鸡腿肉嫩滑得嚟带少少辣劲，配蛋简直绝配！嘉义手工蛋饺啖啖肉馅，外皮仲有少少锅边脆，完全系台味直送。重点！呢餐系下午茶套餐，平过正餐好多，但份量完全唔偷工减料，仲包杯饮品，CP值爆灯。