影片
更多
2021-09-01
228 浏览
【先讲重点：小食拼盘、奶茶相当伏】呢间餐厅系屋邨商场黎讲算价位偏高，但系难得呢头开一间西餐厅类型，如果性价比高其实都唔介意。第一次食过晚餐夏威夷pizza感觉不错，见到佢开业咁耐终于推出下午茶餐，就再黎试一次。首先见到个下午茶menu设计，一球movinpick加杯野饮就当一个餐，感觉有少少离谱。虽然movinpick本身就几吸引，之不过求其加块窝夫或者烘块多士伴雪糕都唔会感觉咁肤衍呀……入正题，我点左小食拼盘（炸鸡翼+炸鱿鱼+薯条），饮品系热奶茶。听落几正路，但系【全个餐只有薯条无伏】。炸鸡翼：睇个名完全无估到佢卖相好似咕噜肉咁，出面包左一层酱汁。个酱有种极刺鼻既酸味（无夸张，气味真系好强刺激性），同类似Tabasco咁既辣味。我本身唔太食得辣，餐牌上亦都完全无提及有辣。加上佢d酱搞到只炸鸡翼好淋。其实鸡翼肉质唔差，比个酱拖累左，宁愿佢普普通通咁炸只鸡翼就算。炸鱿鱼：炸得唔错，够香脆，但系完全无调味，十分清淡，通常应该有少少椒盐吊味？薯条：唯一无问题奶茶：呢个真系再次超越想像，点会谂到用黑白奶作为其中一个卖点既餐厅，出到黎系提供一杯水连lipton茶包+一杯淡奶+一包太古糖比你自己冲
呢间餐厅系屋邨商场黎讲算价位偏高，但系难得呢头开一间西餐厅类型，如果性价比高其实都唔介意。
第一次食过晚餐夏威夷pizza感觉不错，见到佢开业咁耐终于推出下午茶餐，就再黎试一次。
首先见到个下午茶menu设计，一球movinpick加杯野饮就当一个餐，感觉有少少离谱。虽然movinpick本身就几吸引，之不过求其加块窝夫或者烘块多士伴雪糕都唔会感觉咁肤衍呀……
入正题，我点左小食拼盘（炸鸡翼+炸鱿鱼+薯条），饮品系热奶茶。
听落几正路，但系【全个餐只有薯条无伏】。
炸鸡翼：睇个名完全无估到佢卖相好似咕噜肉咁，出面包左一层酱汁。个酱有种极刺鼻既酸味（无夸张，气味真系好强刺激性），同类似Tabasco咁既辣味。我本身唔太食得辣，餐牌上亦都完全无提及有辣。加上佢d酱搞到只炸鸡翼好淋。其实鸡翼肉质唔差，比个酱拖累左，宁愿佢普普通通咁炸只鸡翼就算。
炸鱿鱼：炸得唔错，够香脆，但系完全无调味，十分清淡，通常应该有少少椒盐吊味？
薯条：唯一无问题
奶茶：呢个真系再次超越想像，点会谂到用黑白奶作为其中一个卖点既餐厅，出到黎系提供一杯水连lipton茶包+一杯淡奶+一包太古糖比你自己冲。首先一个lipton茶包就绝对冲唔出一杯足够浓既奶茶。不过佢又真系无讲过自己系港式奶茶，当佢系皇室奶茶会比较能理解。
总结，之前试过少少意粉、pizza类都无太大问题，咖啡据说都唔错，但性价比唔高，下午茶整体亦令人失望，第一次食到忍唔住开个account写低感想。
可能佢主力想做晚市，但对于屋邨区餐厅黎讲，下午茶餐系非常重要既一环。呢头大部份好食少少既餐厅，一到下午茶时段，闲日就接近满座，星期六日就排队等位。希望佢继续加油、将来下午茶会有改善。
张贴