意歐

营业中

休息中

女友陪我去买相机袋，买完行左阵街，行到女人街就揾野食。而加女人街好多餐厅都冇下午茶，行左几间就见到呢间焗薯，见到有下午茶，啲野又岩食，就入左黎。入黎就睇下午茶餐牌，叫左个焗阔条面同牛柳焗薯。佢地下午茶都有汤同野饮送，我地就要左忌廉汤，一般罐头汤味道，冇乜特别，系有啲栗米粒咁，不过跟餐㖞，正啦🤪之后食焗肉酱阔条面，味道一般，唔难食，合格既。而焗薯连牛柳就有惊喜，焗薯上面有蛋沙律，口感唔错。枱面又有海盐，加啲海盐落焗薯度食，就变得好好食。牛柳就一般，可能比梳打粉「 那」完，几淋，不过口感一般。呢度真系焗薯先好食，其他算系不过不失，但系下午茶，2个餐加埋都唔洗一旧水，cp值就叫好高啦。