影片
更多
2019-12-29
878 浏览
呢排忙到成日都系下午茶时段先有时间食晏，所以就可以用平价发掘吓午市同晚市都比较贵嘅餐厅。今日就嚟试一试呢间打住米芝莲一星旗号嘅莆田！下午茶咁多样嘢食，先至收$49一位，十分吸引。2样点心就拣咗杞子白米糕同埋酥脆莆田扁肉，由于未试过扁肉，所以出于好奇就叫咗佢。主食就叫咗相当有名嘅兴化炒米粉！最后仲有一份跟餐甜品，但无写明系边款，所以都有啲期待！等待期间就食住呢个前菜先！酸酸咸咸辣辣咁嘅味，又几滋味。不过如果系想穷食嘅朋友就可能要留意吓啦，因为呢小碟都会收返10蚊嫁。但我就唔介意嘅，难得嚟到，不妨一试！食到7788嘅时候就上咗点心同埋甜点啦！无谂到上菜都用咁精致嘅碟仔同埋木具，眼前一亮！个白米糕就正常发挥，我本身都钟意食呢啲糕点，觉得米味都几出！同埋都有饱腹感嘅。个扁肉我就带住好奇心咁试，一试觉得其实姐系细粒版嘅锅贴，但就真系好小型嘅版本🤣。反而个莲子雪耳汤食落都滋润嘅，但系就完全食唔出味，有啲失望。主菜就系兴化炒米粉！莆田嘅米粉真系好出色。首先，个米粉嘅口感系完全唔同平时食𠮶啲，一送上嚟已经见到好似啲好细密嘅网咁，食落略略烟韧，落味啱啱好，唔会太咸亦都唔会太淡！而且可以见到虽然系下午茶s
下午茶咁多样嘢食，先至收$49一位，十分吸引。
2样点心就拣咗杞子白米糕同埋酥脆莆田扁肉，由于未试过扁肉，所以出于好奇就叫咗佢。主食就叫咗相当有名嘅兴化炒米粉！最后仲有一份跟餐甜品，但无写明系边款，所以都有啲期待！
前菜 - 凉拌木耳
$10
32 浏览
0 赞好
0 留言
等待期间就食住呢个前菜先！酸酸咸咸辣辣咁嘅味，又几滋味。不过如果系想穷食嘅朋友就可能要留意吓啦，因为呢小碟都会收返10蚊嫁。但我就唔介意嘅，难得嚟到，不妨一试！
杞子白米糕 / 酥炸莆田扁肉 / 莲子雪耳汤（跟餐甜品）
41 浏览
0 赞好
0 留言
食到7788嘅时候就上咗点心同埋甜点啦！无谂到上菜都用咁精致嘅碟仔同埋木具，眼前一亮！
个白米糕就正常发挥，我本身都钟意食呢啲糕点，觉得米味都几出！同埋都有饱腹感嘅。个扁肉我就带住好奇心咁试，一试觉得其实姐系细粒版嘅锅贴，但就真系好小型嘅版本🤣。反而个莲子雪耳汤食落都滋润嘅，但系就完全食唔出味，有啲失望。
兴化炒米粉
$45
39 浏览
0 赞好
0 留言
主菜就系兴化炒米粉！莆田嘅米粉真系好出色。首先，个米粉嘅口感系完全唔同平时食𠮶啲，一送上嚟已经见到好似啲好细密嘅网咁，食落略略烟韧，落味啱啱好，唔会太咸亦都唔会太淡！而且可以见到虽然系下午茶size, 但系都系落足料㖞。呢个满分！
食食吓觉得啲嘢食咁出色，唔点返杯嘢饮好似挣咁啲嘢咁，见menu上面咁落力介绍呢杯红毛榴梿汁，就试一试佢。
红毛榴梿汁
$36
16 浏览
0 赞好
0 留言
结果饮后感就系完全唔值$36咁贵，首先个size同menu上面嘅size都差咁多先，第二就系完全唔觉得来莆田必点，只系好普通水准嘅一杯嘢饮，唔系难饮，但吹大咗！
其实啲嘢食嘅原味已经好够，所以我就无落到辣妈酱入啲嘢食度。但见个外表咁吸引，都有试咗一小啖, 佢唔会太辣，有适当调味！下次再食会试吓落入主食度
辣妈酱
14 浏览
0 赞好
0 留言
总结嚟讲，想拣有质素又饱肚嘅下午茶食嘅话，莆田就最好不过。但唯一缺点系4点至到5点半会闩一闩，但我3:45先到都仲比我入座，嘢食都好快嚟齐嘅。如果想呢段时间食嘅朋友又想坐耐啲嘅话要留意返啦。
张贴
