119 Italio Restaurant & Bar (已搬遷) 新店位置

我地行到攰攰地，于是就揾个地方坐低，又唔多肚饿，一人叫咗一个甜品和咖啡，坐阵食下嘢吹下水。下午茶时间去到，餐厅都几静，我地坐得几舒服。我发觉佢啲甜品都几平，虽然选择唔多，但咁啱都有我地想食嘅。朋友拣咗法式焦糖炖蛋 $38，唔会太甜，口感顺滑。 我就拣咗乳酪芝士蛋糕 $28，我就觉得好好味，酸酸甜甜，口感绵滑，呢个价钱嚟讲好抵。咖啡就正常，唔系好识饮。Americano $28Hazelnut Latte $35餐厅环境令人好放松，灯光明亮，又有自然光，食物虽然试得唔多，甜品嚟讲系抵食。一个下午茶五十蚊到可以hea一个下午，都几好。下次会想嚟试下晚餐。