燈籠滷味 (新都會廣場)

营业中

休息中

铁路热炸大排骨配香菇卤肉饭（$65）以下午茶嚟计，份量不少，有两小碟前菜，一大块炸猪排切件，半只卤水蛋，椰菜同粟米，肉燥及白饭。前菜虽然系两小碟，但有四款开胃小食，木耳、洋葱、腌萝卜、酸菜；炸猪扒即炸够热唔油腻，外层脆，里面肉质有咬口，未算软嫩但唔嚡，洒上椒盐粉，十分惹味；肉燥唔算好多，捞唔哂啲白饭，卤肉唔肥，味道正常；卤水蛋、椰菜、粟米，正常发挥。自选招牌灯笼卤味4款配料+1款主食（$65）配料拣咗蹄膀、大肠、麻吉烧、通菜，主食+$3转咗手工乌龙面。份量适中，猪手肉及猪大肠各约有六件，卤水入味，唔过咸；麻吉烧普通；通菜份量多，爽口无渣；乌冬唔糊口兼有咬口，口感不错；汤底微咸，可以；面层洒上酸菜及青葱。麻辣酱香卤猪耳朵（$24）加配小食，份量不少，猪耳爽口弹牙，肥位唔多，麻辣酱味浓，麻味辣味都出，食得几过瘾，好啱我口味。餐饮：热冬瓜茶（个人觉得偏甜）、热蜂蜜绿茶（个人觉得绿茶涩味重）。PS：另收加一服务费。