泰滋美 (已結業)

喺附近工作做晏咗又未食饭，见好耐无帮衬呢间泰国小店一于再试吓近期水准仲得唔得？过哂下午茶时段得我一个客叫嘢食，order咗一个炸猪扒冬荫功金边粉，好快手七、八分钟左右就有得食。呢度嘅炸猪扒系分开上亦已经自动碎上不另收费，都几细心。炸猪扒系带骨嘅size不算大，薄身𠮶只份量ok，可能比较易熟，系即叫即炸𠮶种，调味不错，如果再炸多阵就更香口！重点嘅冬荫功汤粉，汤底味道十分浓郁，酸度够充满椰香味，金边粉份量超多，汤又多，仲有大量切成条状嘅菇，索哂啲汤汁入面亦有蕃茄同芫荽之类，好似仲有啲芽菜，辣度适中，都几开胃，胃口细啲都未必食得哂碗粉！跟餐叫左杯冻咖啡，味道香浓，应该不是纯泰式黑啡又不是港式𠮶种，总之味道不错又大杯。整体是一间几不错的小店，装修无乜不过嘢几好食，招呼也不错，有效率，位于内街但又不算吊脚，埋单72，要平相信有其他选择，不过论质素、味道对得住价钱有凸，同老板娘倾了几句佢话可能嚟紧都未必续约再做要试嘅朋友要快啲帮衬喇！