鄧記川菜

营业中

休息中

每次谂起四川菜，麻辣火锅即刻系我脑海浮现。不过原来四川菜系味道同款式上可以做到百变效果，今日同朋友嚟到邓记川菜见识一下😎餐厅装潢比起一般中菜餐厅更加时尚，吊灯同木板墙身最能突出时尚既一面。邓记亦设有室外座位，客人可以饱览维港景色。不过今日太冻，加上自己著唔够衫所以无坐到室外🥲。餐厅另一边系酒吧，餐牌上可以见到中西合壁既酒类饮品。- 酱香桃仁平时我对于合桃微微苦涩既味道麻麻。不过加左甜酱再炒，甜味十足，口感更加酥脆，令人停唔到口。- 老坛子膏蟹香港人做蟹有特别多既做法，包括呢道用四川泡菜整成既老坛子膏蟹。大闸蟹本身蟹肉唔多，但蟹膏非常鲜甜，加入泡菜令人越食越开胃。入面仲有爽口嘅鸭血，味道变得酸酸辣辣。- 红烧羊肉煲红烧羊肉煲系餐厅十二月精选既菜式，邓记既羊肉系我食过最软稔，而且渗透岀一阵麻辣味，另外一啲膻味都无😍。萝卜都好好味！- 成都担担面整体口味唔算太麻辣，花生酱亦唔会太抢，邓记既口味对我嚟讲啱啱好。面条亦非常细滑，不过份量真系好少🤣红烧羊肉煲同老坛子膏蟹最出色，而九月至十一月系食蟹既最佳季节，所以非试不可！