影片
更多
2011-03-09
175 浏览
星期五开OT，同同事一齐去食呢间野装修系居酒屋格局，都几细间同埋可能因为系星期五晚 (我9点几先上去食)所以都几嘈下 (不过嘈又反而倾啲公司野)我地点左以下嘅野:- 意大利鲜芝士配三文鱼蕃茄 ($78.00)- 三文鱼软芝士反卷 ($70.00)- 明太子饭团 及 烧三文鱼饭团 ($60.00)- 三文鱼牛油果卷 ($65.00)- 海虾天妇罗 ($68.00)- 前菜2份 (呢份我地无ORDER...相信系店舖 "硬食" 收费项目) ($30.00)另送，雪糕一球前菜 - 都几好味，裹面有 带子边、海草、甜芋片 同埋螺肉三文鱼软芝士反卷 - 三文鱼同蕃茄都好新鲜，只系意大利芝士我略嫌味太淡...搞到要分开食先食到个味明太子饭团 - 没什么特别，只系一嚿热嘅饭，包住一粒热左嘅明太子三文鱼牛油果卷 - 呢个我觉得系最好食，牛油果同三文鱼个味夹得好好，加上少少三文鱼子，食落都几有层次感海虾天妇罗 - 个脆桨同只虾分离...搞到一系食到个桨面一系就只食到只虾...都几失败雪糕应该系牛X公司或者系雀X公司出品，只有豆腐味或士多啤梨味选择呢间野招呼真系麻麻啦首先，啲侍应可能系因为太后生，所以真系
装修系居酒屋格局，都几细间同埋可能因为系星期五晚 (我9点几先上去食)
所以都几嘈下 (不过嘈又反而倾啲公司野)
我地点左以下嘅野:
- 意大利鲜芝士配三文鱼蕃茄 ($78.00)
- 三文鱼软芝士反卷 ($70.00)
- 明太子饭团 及 烧三文鱼饭团 ($60.00)
- 三文鱼牛油果卷 ($65.00)
- 海虾天妇罗 ($68.00)
- 前菜2份 (呢份我地无ORDER...相信系店舖 "硬食" 收费项目) ($30.00)
另送，雪糕一球
前菜 - 都几好味，裹面有 带子边、海草、甜芋片 同埋螺肉
三文鱼软芝士反卷 - 三文鱼同蕃茄都好新鲜，只系意大利芝士我略嫌味太淡...搞到要分开食先食到个味
明太子饭团 - 没什么特别，只系一嚿热嘅饭，包住一粒热左嘅明太子
三文鱼牛油果卷 - 呢个我觉得系最好食，牛油果同三文鱼个味夹得好好，加上少少三文鱼子，食落都几有层次感
海虾天妇罗 - 个脆桨同只虾分离...搞到一系食到个桨面一系就只食到只虾...都几失败
雪糕应该系牛X公司或者系雀X公司出品，只有豆腐味或士多啤梨味选择
呢间野招呼真系麻麻啦
首先，啲侍应可能系因为太后生，所以真系感觉到无乜礼貌，同埋唔多肯做野
而且，尾后仲有一个小插曲，就系侍应A走埋黎话上埋个雪糕俾我地 (当时无话俾我地知有得拣味道)
咁...就上左两个士多啤梨味雪糕上黎啦~ 我同事因为对士多啤梨味敏感，
所以就问佢可唔可以换其他口味雪糕，个侍应B即刻黑面无乜礼貌咁问 "你地叫雪糕时无拣味架咩?"
我同同事到𠮶时先知有味道拣 (侍应A只系走埋黎同我地讲有雪糕送，问我地上得未)
咁我同事就问佢有乜野味拣 (侍应B无乜礼貌咁答左豆腐味或士多啤梨味)
我同事就想换豆腐味，点知侍应B继续以黑面及更无礼貌迟疑左几秒讲左句 "豆腐味卖晒，无得换"
咁...我地就由佢啦，我见到侍应A又行埋黎，跟住我同侍应A讲 "可唔可以帮我同事换做豆腐味?"
侍应A都系问点解我地当时初唔拣定，我唯有同侍应A讲 "你地当初无话有乜野味道俾我地拣" (佢好似唔记得左系佢问我地上得甜品未)
跟住佢地死死地气去帮我地换 (当然...我系听到侍应A & B 喺我地背后讲乜啦)
总评:
食物质素 - 我觉得新葡岗嘅大盛比佢好
价钱 - 中环食野系咁贵架啦...如果想食平靓正，应该去其他地方
招呼 - 作为客户，我觉得如果我自己打醒十二分精神的话...招呼可能都还是一般般
张贴