熊亭新和風駅 (已結業)

星期5晚上去同朋友一齐食饭，差唔多一年之前食过熊亭一次。估唔到一年后质素有增无减，真系唔错的日本料理，比起铜锣湾某几间好好多。决定第一次打食评赞下佢。刺身: 歀式比起一般日本放题店多，而且永无漏单比少，写几多黎几多。本人比较中意食三文鱼同吞拿鱼都觉得好肥美OK。串烧: 唔知系咪太多人叫串烧，所以串烧黎的时间比较耐同无甘齐，而且烧得比较焦，但推介呢个牛柳粒，真系好正D肉汗。炸物: 天妇罗、吉烈蚝等等炸物都唔错，但系无咩特别啰。饮品:只系得汽水得GREEN TEA，酒个D要加钱啰。其他: 其实仲有好多咩乌冬拉面等等，不过主要都系食上边介绍的食物多。特色食物: 鱼奶汤等等其他特色食物都有不少，比起一般日本放题多，但无咩点同试过唔敢讲话好唔好食。总结: 由于星期5晚上去，价格较贵埋单要成二百蚊一位，但我觉得都算值得，起码点咩有咩，同埋自己中意食刺身，觉得几正。仲有服务同食物都真系不俗，但最衰雪糕每人得一球唔能够任食。