大盛日本料理

营业中

休息中

之前都食过几次，觉得唔错，于是今晚放工再去一次。今晚点了一个二人餐口，另外再加个芝士pizza。先讲过二人餐，分别有刺身拼盘、三文鱼寿司、炸鸡球、牛肉寿喜烧、鳗鱼炒饭同雪糕，都几多嘢食。刺身拼盘同寿司都正常，唔算太突出。跟住到炸鸡球，初头以为侍应上错，因为餐牌写「唐扬炸鸡球6本」，心目中都以为系一嚿嚿，但眼前的似鸡软骨多啲(因为好细粒)，于是就问侍应系唔系上错枱，点知佢话啱，咁我以为二人餐转咗，咁照食啦，点知食落去又真系鸡肉，并非软骨，只可以话系由炸鸡球变成炸鸡粒，不过食落去几脆同香口，又够热，唔错。然后到牛肉寿喜烧，觉得甜咗少少，同埋牛肉有啲「鞋」。再之后到鳗鱼炒饭，鳗鱼肉几多吓，同埋份量都几大。到最后个雪糕杯，虽然系现成，但出面好少食到呢个牌子，同埋海盐同焦糖又确实唔错。总括整餐都不俗，可以再返去。