古朴年代咖啡．酒館 (已結業)

今日夜晚大约7点去左大围嘅古朴年代咖啡．酒馆食晚饭。环境好靓，有少少怀旧嘅感觉。枱同枱之间其实好迫，坐得多人时就觉得有少少嘈。喱度系同朋友re union嘅好地方，食饭冇时限，仲有board games提供可以玩添。温泉蛋卡邦尼意粉。意粉软硬适中。Sauce好浓郁，每一啖都好够味。冇谂过温泉蛋配卡邦尼sauce会可以咁夹，好惊喜。砵酒什菌鹅肝尖通粉。上枱就已经闻到好香嘅鹅肝味！佢都有好多鹅肝粒，外面稍为煎过，好有诚意。个汁亦系好浓郁，酒味都好香。2款主菜我地都好钟意，加上环境靓，下次会再黎！