影片
更多
2009-06-12
18 浏览
呢间日本料理喺呢个地点已经好多年了，次次餐期去到都系冇位，今次8:45去到竟然有位，可能同市况有关。而且观察入面环境，地方唔系好大，只有约廿张枱，唔怪得知咁易座满。格调以黑色为主，枱与枱之间好窄。打开餐牌，发觉入面好多错别字，不论中文或英文，虽然印刷精美，但好似冇较对咁，你估好似我似家写blog咁咩。1. 朝日生啤 Asahi - 佢地竟然写做Asashi，不用多谈，相信大家都知道只味系点。2. 提子乳果特饮 - 系其中一款果酒特饮，加有Vodka + Soda，原来提子加Vodka味道系咁夹嘅，最紧要系提子汁入面带有微微果香，唔知系咪咁样，所以会有用葡萄嚟酿出红白酒呢。3. 龙虾沙律 - 属menu入面推介菜式之一，佢有一旧旧嘅龙虾肉，但又有龙虾肉做嘅茸再混入沙律酱，酱入面又落咗少许Wasabi用来除腥味，再加上大量鱼子，口感丰富，虽然份量唔多，但系当前菜一流，旁边仲有几片清凉嘅青瓜伴碟。4. 鸡软骨串烧 - 烧得颇为香脆，非常有咬口，盐粉晒得均匀，非常惹味，佐酒一流。5. 牛脷串烧 - 与其他餐厅比较，呢度切得比较厚身，而且烧得唔系太耐，虽然入面仍然好juicy，但表面唔太香脆，口
打开餐牌，发觉入面好多错别字，不论中文或英文，虽然印刷精美，但好似冇较对咁，你估好似我似家写blog咁咩。
1. 朝日生啤 Asahi - 佢地竟然写做Asashi，不用多谈，相信大家都知道只味系点。
2. 提子乳果特饮 - 系其中一款果酒特饮，加有Vodka + Soda，原来提子加Vodka味道系咁夹嘅，最紧要系提子汁入面带有微微果香，唔知系咪咁样，所以会有用葡萄嚟酿出红白酒呢。
3. 龙虾沙律 - 属menu入面推介菜式之一，佢有一旧旧嘅龙虾肉，但又有龙虾肉做嘅茸再混入沙律酱，酱入面又落咗少许Wasabi用来除腥味，再加上大量鱼子，口感丰富，虽然份量唔多，但系当前菜一流，旁边仲有几片清凉嘅青瓜伴碟。
4. 鸡软骨串烧 - 烧得颇为香脆，非常有咬口，盐粉晒得均匀，非常惹味，佐酒一流。
5. 牛脷串烧 - 与其他餐厅比较，呢度切得比较厚身，而且烧得唔系太耐，虽然入面仍然好juicy，但表面唔太香脆，口感就唔太好。
6. 葱吞拿鱼腩卷(六件) - 我影呢道菜取咗多个角度至完成，原因在于佢嘅卖相，给大家有个比较，你睇每件嘅切口几唔整齐，论刀法个厨师可能要多加练习 ; 不过吞拿鱼腩真系好肥美，鱼脂非常充足，入口甘香无比 ; 但紫菜唔脆，处理肯定出咗问题，呢一点都系败笔。
7. 鸡肾串烧 - 呢串每粒鸡肾嘅size就啱啱好，薄薄地，易入口。
8. 鳝串 - 烧香咗嘅鱼皮，加上入面仍然有水份嘅鱼肉，旁边有一碟粗盐，虽然可能会感觉有啲咸，但系点咗就更容易带出鳝嘅香味出嚟。
Comments: 总括来说，我觉得呢间嘅串烧甚至比好多其他专门做日式串烧店做得更好，再加上侍应细心嘅服务，唔怪得知呢晚见到佢地有咁多熟客光顾，最重要系佢地亦都唔会待慢我地呢啲首次惠顾嘅客人，可能呢点亦都系佢地嘅成功之道。
张贴
