雅敍閣西餐廳

营业中

休息中

昨晚(2006-3-6)，我地一班老年同学十几人好耐无见。谂住用太阳报上面张代用卷去呢间餐厅食自助餐连有机火窝。想都想到百多元的自助餐好极有限，但话晒都叫做酒店内啲西餐厅，差极有个普。平平地作为聚会就最合适不过啦! 点知人算不如天算，就系差到我地唔信都唔得。首先最普通的"鱼生"只得三文鱼，仲要系时时都冇货。"寿司"就有，不过只系得鸡蛋、鱼蛋、豆腐、蟹柳，想食物中毒都好难。"生蚝"又细又有沙，肉质同味道就一般过一般。熟食、甜品及火窝生料就品种少数量少。呢间餐厅应该系喺非洲做开生意，当正客人系非洲难民，成晚玩配给经常都冇货，炒饭炒面就大把。不过有一样就唔系间间有，佢地橙汁就任你饮，不过有时会无杯。 总括来讲，呢个自助餐最多值70元，多一元都食唔过。