影片
更多
2018-04-01
988 浏览
1) 首先，服务态度世界级咁差。一入去无乜问题，到嗌野食时，叫左几次唔该都无人理，聚晒系厨房度倾计，仲要鬼咁大声，直到我妈咪嗌「靓女」先有人应。2) 然后，嗌完野食，我地系睇午市套餐牌，睇睇下个侍应行过嚟，将个餐牌收咗，话今日冇午市套餐。下，咁都得？我地嗌完先收？佢话摆错左。咁都得？ 之后攞张单黎睇，好彩佢散嗌同套餐价钱相差唔太远。呢样都未算最离谱。 3) 离谱嘅系，同妈咪两个人嗌左两个餐，好正常，然后想买返去比家姐食，但唔想用外卖盒，就咁叫堂食然后装入自己嘅胶盒。个待应见到我哋啲盒，就问我地系咪外卖，我哋答都未答得切嘅时候，佢就攞咗我哋张单去改做外卖，然后加左一蚊。个重点唔系一蚊，我哋同返个侍应讲话就咁堂食，我哋自己装走。我见到厨房有个啊姐将个饭摆落去佢哋嘅外卖后，跟住侍应就同佢讲话我哋系堂食，啊姐发脾气，佢就好似讲咗声粗口咁。下？关我乜事？我不嬲都系话堂食啰，你啲待应搞到咁乱！你加唔加一蚊都无所谓啰。我知道佢地大把分都系台湾人，于是我问左佢两次「你什么态度？」佢扮听唔到。大佬，我有俾钱食饭，做乜要受你气？ 4) 之后我同妈咪食饭继续，嗌左既饮品一直都未黎，我哋就问野饮几时黎。跟住佢
1) 首先，服务态度世界级咁差。一入去无乜问题，到嗌野食时，叫左几次唔该都无人理，聚晒系厨房度倾计，仲要鬼咁大声，直到我妈咪嗌「靓女」先有人应。
2) 然后，嗌完野食，我地系睇午市套餐牌，睇睇下个侍应行过嚟，将个餐牌收咗，话今日冇午市套餐。下，咁都得？我地嗌完先收？佢话摆错左。咁都得？ 之后攞张单黎睇，好彩佢散嗌同套餐价钱相差唔太远。呢样都未算最离谱。
3) 离谱嘅系，同妈咪两个人嗌左两个餐，好正常，然后想买返去比家姐食，但唔想用外卖盒，就咁叫堂食然后装入自己嘅胶盒。个待应见到我哋啲盒，就问我地系咪外卖，我哋答都未答得切嘅时候，佢就攞咗我哋张单去改做外卖，然后加左一蚊。个重点唔系一蚊，我哋同返个侍应讲话就咁堂食，我哋自己装走。
我见到厨房有个啊姐将个饭摆落去佢哋嘅外卖后，跟住侍应就同佢讲话我哋系堂食，啊姐发脾气，佢就好似讲咗声粗口咁。下？关我乜事？我不嬲都系话堂食啰，你啲待应搞到咁乱！你加唔加一蚊都无所谓啰。
我知道佢地大把分都系台湾人，于是我问左佢两次「你什么态度？」佢扮听唔到。大佬，我有俾钱食饭，做乜要受你气？
4) 之后我同妈咪食饭继续，嗌左既饮品一直都未黎，我哋就问野饮几时黎。跟住佢问我地有落单咩？佢仲要厚颜问我地饮乜野。what? 好彩个侍应指返张单俾厨房睇，过咗好耐先至有饮品。
总括而言，我认为呢间餐厅嘅食物质素一般，无咩特别。最扣分嘅地方系在于餐厅既服务质素。如果尝试一下被人无视或无礼对待，就去呢间餐厅体验一下啦。😂
*很感谢睇到呢度嘅人因为都好多字。我好想分享呢个遭遇。我希望餐厅嘅负责人睇到呢篇野，可以改善一下恶劣餐厅嘅服务质素，因为我睇其他食评都知道服务态度为呢间餐厅扣左唔少分数。
*唔会再去！
张贴
