Girlboss by Master Kama (已結業)

Item: Girlboss by Master Kama
Rating: 4
Author: 哗华~

181 食记

味道

环境

服务

卫生

抵食

2234

屯门

$101-200

西式薄饼汉堡包

130

哗华~

等级2

斋睇外表装修，得个靓字，其实吸引唔到我入去食，估都系九成都系为呃like而食既餐厅唔会有咩好食，食唔饱人（虽然我唔大食🤣）友人叫大胆尐试下喇，咪咁out！ok，就即管试下，食我唔饱，下场你既！2人set dinner价钱3xx，包晒沙律、前菜、主菜、意大利饭/意粉、pizza/burger，都多野食㖞，但就唔包饮品。沙律-烤南瓜松子仁鸡丝沙律 / 蟹肉牛油果苹果青瓜沙律前者南瓜好冧，好食，但鸡丝就少得紧要。后者以杯上，份量对一个细食女黎讲可能都唔够开始担心之后既份量，唔通真系要盘算下场去边到再补食？！前菜1 - 德国肠冻肉芝士拼盘Menu 写明套餐每款前菜系半份上，望落都唔少既，个样都够2人分享。整体无咩特别。前菜2 - Girl’s 分享盘又系睇名唔知系乜，见半份上，有选择困难症就岩晒，样样有嘛薯条分别系粗薯条+甜薯，仲另上芝士粉，比埋个纷红纸袋你大玩shake shake。其他原来系以鸡为主，鸡肉饺子；炸芝士波-无芝士味，得薯仔味；煎鸡翼；鸡软骨棒棒。黎个拼盘一上一定要即食，唔知天气冻定佢本身唔系好热，好快就冻左，搅到鸡翼同鸡软骨棒只食到油味，连应该系即炸既薯条都好快

开始担心之后既份量，唔通真系要盘算下场去边到再补食？！

烤南瓜松子仁鸡丝沙律 / 蟹肉牛油果苹果青瓜沙律

7 浏览

0 赞好

0 留言

前菜1 - 德国肠冻肉芝士拼盘
Menu 写明套餐每款前菜系半份上，望落都唔少既，个样都够2人分享。整体无咩特别。

前菜2 - Girl’s 分享盘
又系睇名唔知系乜，见半份上，有选择困难症就岩晒，样样有嘛

薯条分别系粗薯条+甜薯，仲另上芝士粉，比埋个纷红纸袋你大玩shake shake。其他原来系以鸡为主，鸡肉饺子；炸芝士波-无芝士味，得薯仔味；煎鸡翼；鸡软骨棒棒。黎个拼盘一上一定要即食，唔知天气冻定佢本身唔系好热，好快就冻左，搅到鸡翼同鸡软骨棒只食到油味，连应该系即炸既薯条都好快冻晒。

连续两个拼盘都一般，真系要揾定下场食乜，边到未闩门，使唔使去打番个边炉？？未谂完，主菜就到。
主菜 - 低温慢煮三文鱼烤露笋薯蓉香草荷兰汁
有前面两个𩠌都快冻既经验，黎碟一上，相机食左一野，就那那声到我起筷。哗，终于有热食喇！鱼油香，薯蓉滑，叫得主菜系唔同d，定系我一直思维都搅错晒，前菜唔应该系热食既呢？

紧接黎就系尾声既意大利饭/意粉、pizza/burger
我地㨂左个龙虾burger，套餐点选黎个系要另加$28，有龙虾食，加钱都接受到既。
先黎卖相都几讨好，仲一阵阵面包香扑鼻，急不及待动刀。包真系好软，包外面搽左蜜糖再烤焗，香香微脆，龙虾肉爽甜。完全系必食推介！

意大利饭/意粉就㨂左煎带子芝士芦笋意大利饭
份量唔少，芝士溶晒入意大利饭入面，芝士控既岩晒口味，真系食唔停口。

Set dinner 唔包饮品，但可能几款主食都有芝士，开始喊，系时候要揾野饮下，分别叫左一冻一热。蜜桃荔枝沙冰 & Goodnight tea。
一上枱，非常吸精。套茶壶茶杯简直系美女与野兽入面茶壶太太与茶杯仔仔

Goodnight tea 原来薰衣草加蜜糖，薰衣草有安睡作用，个名好贴切。饮落好舒服，感觉真系好安静。
蜜桃荔枝沙冰，都好吸精㖞，黑色既！点解既？？由个名睇黎，无样野系黑色架，问staff 会唔会黎错，因为佢有第二款饮品系竹炭+荔枝，个人好直咁谂，炭系黑色，整出既系黑唔出奇。但staff又话无黎错，我问点解系黑色，佢话设计系咁，咁算。预左十问九唔知架喇。好饮既，但饮黎饮去都系得荔枝味，所以硬系觉得佢黎错，只系死口唔认。（哈，又自己乱黎发挥想像时间）