德美壽司

营业中

休息中

好耐冇约fd子去尖沙咀行吓，行到攰fd子带路嚟咗呢间日本餐厅食个饭先。虽然店名有寿司两个字，但其实除咗寿司之外，仲有好多唔同种类嘅日式食物。店内人手十分充足，落咗单食物好快就送到。油甘鱼刺身 - 一份有五片，每件都厚切，好肥美，咬落柔软无筋好鲜甜。北寄贝寿司 - 寿司饭握得结实唔会一夹就散，北寄贝爽口弹牙有嚼口。稻亭乌冬 - 可以拣热食或冻食。配料都有四款，有葱、姜蓉芥末同埋烤天妇罗粒粒。乌冬汁甜中带少少酸几开胃。冰凉嘅乌冬点埋个汁，夏天食一流享受。巨峰乳酸梳打 - 味道酸酸甜甜好够气，好清凉解渴。