Explorer Fusion Restaurant (已結業)

见Openrice好多好评就同男朋友去试下Lunch time时间都ok多人 以为冇伏啦咁入咗去个貌似系老板娘就串串贡 成个茶记职员咁都算 咁我地就坐低咗嗌嘢食 我男朋友就嗌咗个鱼生饭而我就嗌咗个自选意粉 拣咗青口配蘑菇汁加配咗个汤 系我钟意粉嘅南瓜浓汤一饮完全系颠覆咗我对南瓜汤嘅认知 完全一饮就知一滴忌廉都冇落 南瓜又打唔溶 好似食紧bb啲糊仔咁 仲要一路饮一路lur番啲南瓜须岀黎 喂大姐 唔系南瓜加啲盐同胡椒打埋就可以叫汤啰至于个意粉 一食真系不得了 油到不知所谓 完全食唔到仼何蘑菇味 啖啖都系油 个青口仲要冻冰冰 貌似系雪柜拎岀黎兜两兜就放上枱 同男朋友一致认为成餐饭最正常得个柠茶呢篇系我第一篇打嘅食评仲系负评就献咗俾佢！点解会打系因为当晚食完后我就发烧然后疯狂肚屙 仲入埋医院！到今日先岀到黎！验完大便种咗菌话系因为食咗未彻底煮熟嘅食物引致！虽然我唔肯定真系佢地！但我好肯定我成日冇食过其他生嘅食物啰呢间嘢真系贴钱俾我都唔会再黎！