影片
更多
2017-08-22
13794 浏览
跟老板去食饭，老板指定要去 The American Club。肤浅兼见识少嘅我心谂︰车，美国嘢，咪又系𠮶D，咩扒咩扒同咩扒啰…上网睇下食咩嘅先…咦﹖有4间餐厅﹖咁我地去边间﹖下﹖原来要会员先入得﹖唔比讲手提电话﹖电话要无声﹖有咩咁巴闭﹖但谂谂下，其实佢嘅要求系好合理。食饭本来就唔应该讲电话。食嘢食得唔专注，分咗心嘅话，食紧咩，食咗咩同D嘢食系咩味都会唔记得，食咗等如无食，不如唔好食，或求其食D嘢就算啦，洗咩去高级餐厅食高级嘢﹖晒钱又晒时间。 好喇，带住浓烈嘅好奇心，终于等到上去食饭𠮶日喇。入到去，先发现，我一直以为嘅4间餐厅，原来系同一个地方分咗4个部分而已。我地就系去尽头嘅餐厅，McKay’s。点餐前，梗系叫D饮品嚟润下喉先啦。男士多数叫生啤，女士多数叫果汁，我就叫咗唯一一杯可以杯上嘅 Rose。睇完menu之后，我地8个人决定 share 食，因为佢餐牌有D菜都几大份，一人一份又试唔晒D嘢 (唔知有无下次架嘛！)，所以都系 share 稳阵！坐好之后，侍应生递上香气扑鼻面包一碟。听到好似系parmesan cheese bread，温热，皮脆，内里松软幼滑，口感细致，非常好食！加
肤浅兼见识少嘅我心谂︰车，美国嘢，咪又系𠮶D，咩扒咩扒同咩扒啰…
上网睇下食咩嘅先…咦﹖有4间餐厅﹖咁我地去边间﹖
下﹖原来要会员先入得﹖唔比讲手提电话﹖电话要无声﹖
有咩咁巴闭﹖
但谂谂下，其实佢嘅要求系好合理。
食饭本来就唔应该讲电话。食嘢食得唔专注，分咗心嘅话，食紧咩，食咗咩同D嘢食系咩味都会唔记得，食咗等如无食，不如唔好食，或求其食D嘢就算啦，洗咩去高级餐厅食高级嘢﹖晒钱又晒时间。
好喇，带住浓烈嘅好奇心，终于等到上去食饭𠮶日喇。
入到去，先发现，我一直以为嘅4间餐厅，原来系同一个地方分咗4个部分而已。
我地就系去尽头嘅餐厅，McKay’s。
点餐前，梗系叫D饮品嚟润下喉先啦。男士多数叫生啤，女士多数叫果汁，我就叫咗唯一一杯可以杯上嘅 Rose。
睇完menu之后，我地8个人决定 share 食，因为佢餐牌有D菜都几大份，一人一份又试唔晒D嘢 (唔知有无下次架嘛！)，所以都系 share 稳阵！
Permasan Cheese Bread
197 浏览
0 赞好
0 留言
坐好之后，侍应生递上香气扑鼻面包一碟。听到好似系parmesan cheese bread，温热，皮脆，内里松软幼滑，口感细致，非常好食！加埋旁边个酱味道层次丰富，好出色嘅一个面包！
McKay's Signature Lobster Chowder
$110
243 浏览
1 赞好
0 留言
跟住唔好同我(老板)悭，一人一个龙虾汤先！
上菜方式系喺你面前摆好个汤料先，再即席由汤壶倒一条龙虾灯色杰身嘅汤落个汤碗度。令人充满期待嘅一个过程。目测系足料嘅，龙虾味道浓，加上我叫个杯 Rose 一齐饮，鲜味喺口腔俳佪，一层又一层…
正！
170 浏览
0 赞好
0 留言
然后上前菜，龙虾生蚝拚盘。
龙虾大只，但莫讲话鲜，系直头无味，肉质好实，虽然未至于系赵塑胶…但都应该系赵紧橡胶…
生蚝有两款，好细只蚝壳嘅细只生蚝同好大只蚝壳嘅细只生蚝。
你无睇错我无写错，好大只蚝壳入面只蚝系好细只！先食细只蚝壳嘅细只生蚝…少少蚝味，偏淡味 (我习惯唔落任何酱汁咁食)。另一只好大只蚝壳嘅细只生蚝好咸！除咗咸味之外都系咸味，无咩特别。前菜系失望嘅。
168 浏览
0 赞好
0 留言
然后系烧三文鱼，嗯…咪就系烧三文鱼啰。伴咗D无咩特别嘅烧青椒同车厘茄咁。
133 浏览
1 赞好
0 留言
之后系烧吞拿鱼，唔…我好少食烧吞拿鱼，我觉得系好食嘅，但唔知点解梗系有D猫罐 feel…
170 浏览
0 赞好
0 留言
跟手系牛。佢地话脆嘅地方好食，唔骚，应该我都食到，但我无试。肉质够香，但多吃会漏，所以佢地几个人都食唔晒一碟 (不过又真系好大碟嘅)。而我就食咗少少配菜 - 原个烧蒜头，都系一般货色。
Pork Chop Tomahawk
$450
167 浏览
2 赞好
0 留言
好喇，我嘅主角出场喇！五成熟黑毛猪！落单嘅时候已经好好奇！点解我地叫黑毛猪𠮶时个侍应生会问我地要几成熟嘅呢﹖难道尼度有传说中可以半生熟咁食嘅猪肉！！！(我一直都以为香港无得食！)
俗语有云︰高音准，中音甜，低音劲。
咪就系要嚟形容尼D好似漆黑中嘅萤火虫咁，咁好食咁多层次咁出色嘅猪肉架啰！个皮又脆又香，熟嘅部份系好甜嘅肉香，生嘅部份系好有咬口嘅猪肉，系烟韧，系香口，系绕梁三日，唔系D龙虾咁赵塑胶吖…
是日领悟︰烟韧同赵塑胶系有好大分别呀呀呀呀呀！！！
结果我饱到不得了都仲要食多几旧。(Well，都系𠮶句…唔知有无下次架嘛…)
食到差不多，大家问系咪要甜品…
又要提一提，唔知有无下次架嘛，梗系食啦…不过你比我出去行返转先…
出到去露台，只见一片漆黑，几张枱，同埋闪令令嘅夜景。夜景其实我觉得无咩特别…因为尼个角度有一半系真系全黑嘅，一半系有灯光嘅。而灯光下方位置有好贵坐一次又点睇都唔靓嘅摩天轮。
好喇，行完就返华山大战最后的甜品。甜品都算多款，但味道好似都系偏酸。我记得有日式柚子芝士蛋糕，杂莓雪芭，苹果批咁… 我觉得要食唔甜嘅甜品不如唔好食，所以见佢有朱古力蛋糕就叫朱古力蛋糕啦。另一款朱古力甜品系热食嘅，朱古力放喺煎pan上，面再临D棉花糖咁，因为同枱怕漏，所以就无叫到。(而家好后悔无试埋佢吖…)
168 浏览
1 赞好
0 留言
好大个朱古力蛋糕嚟到，面上有D一粒粒嘅…应该系麦提莎…
一层层嘅朱古力，睇落几靓，食落口好实，不过Okay啦，又未好食到要特别称赞嘅程度…
试埋同事D苹果批… 酸，无香味又唔系好脆，无咩特别。
叫埋个 Earl Grey 一齐食都衬唔到咩味出嚟。
甜品都有个 side dish，一块块嘅黑朱古力，牛奶朱古力，同白朱古力。
一入口一阵雪味… 一系唔新鲜，一系就罐头嘢，总之就唔好食。
120 浏览
1 赞好
0 留言
最后发现仲有个 main course 嘅 side dish 喺度，黑松露芝士薯条！
芝士系亁身嘅，只系铺面，黑松露洒晒上D薯条度，每一啖都有脆薯条同黑松露嘅香味… 好好食，又忍唔住饱到滞滞咁都要食多两啖先！(结果都系我队晒…)
不过尼餐好难评分，因为头盘真系好差，但主菜又超晒班，天堂与地狱突然这么近那么远咁… 但除此之外其他嘢其实都好普通，我只可以话得个主菜出色D，水吧同甜品都系好一般。
但论矜贵度嘅话，超晒班嘅五成熟猪肉绝对有机会系可一不可再(因为佢只招待会员)，所以都比佢 Good 啦。如果你有幸去 The American Club之前见到我尼篇食评，我就喧你主攻主菜，试多几样肉类会值得D。
张贴
