Freshness Burger (已結業)

几个朋友唔知食咩好，有人提议Freshness burger，我系旺角分店食过，唔系好好食，个burger又冻又硬。今日不情愿地跟大队，仲要专登由地铁站行过嚟食，真系有啲远。到咗间餐厅，环境唔错，静静地，倾偈一流，但系我地太嘈，我地去的话，就唔适合情侣倾偈，哈！我order咗个combo，芝士汉堡、薯格、冻柠茶(+$5)同和风沙律(+$15)。太肚饿喇，所以未影相就食咗，所以冇相。芝士汉堡同薯格都系水准以上，柠茶都唔错，特别一赞系和风沙律，胶杯装，大大杯，好新鲜，加上和风酱汁，正！今日大孖做老细，仲悭咗一餐添，多谢大孖。