The Market

听人讲The Market好好食，重叫我一定要去试吓，个几月前订咗位同老公兴祝生日。俗语有云: "希望越大、失望越大"，期待已久的自助餐，款式可以，但不外如事，质素一般，不值这个价钱。可能D朋友好早期去食，新开张水准可能会真系好高都唔定。但系我食完这餐自助餐，感觉就像被骗。环境 ~ 迫、迫、迫......，基本上可以话隔离枱讲咩我都听哂。牛扒、羊架卖相唔太吸引，味道一般、好韧。龙虾可以媲美牛扒，够哂烟韧。龙虾汤好好味，好味到好似罐头汤。马肉刺身好特别，但口感就试一次就.......一试无妨。日式刺身都系𠮶几款，无特别，新鲜度可以，带子刺身算系最好食。印度菜叫做最有水准，咖哩汁、薄饼都好味，羊肉同鸡都唔老。咖啡味道唔系我杯茶，唔好饮。最大惊喜，有原只火龙果、奇异果供应。总括来说，试一次就够，如果未试，可以不试。