北正宗 (已搬遷) 新店位置

位于Mikiki对面，店面小小但装修几有心思。主打越北菜。越南菜都算较常见，但讲明越北菜就真系少听，作为吃货当然要试下。午餐时间店内坐满人，要等一等位价钱唔算贵，包野饮同小食，而且选择几多，直情系花多眼乱！每个餐都附送油炸鬼，唔知系咪越北菜特色（？！），油炸鬼脆得黎唔油腻，放落河粉嘅汤入面浸一浸，味道几特别照例由汤试起，冇想像中咁浓味，同印象中好重香料味嘅越式菜有少少分别，比较清淡。至于牛肉，鲜牛肉几厚身，同平时簿片浸汤即熟嘅有少少分别，厚身牛肉嘅口感同肉味更合我心牛腩好软滑，似平时食牛展嘅口感，同样唔重调味，食到牛肉本身嘅味道河粉系窄身嘅，好爽滑，仲要赞一赞芽菜，爽口得黎冇'渣'，连平时唔食芽菜嘅我都食左唔少！加埋餐配饮品，完美满足嘅午餐！毕竟未食过越北菜，正唔正宗比较唔到，但味道令我非常满意