家嫂一家大小

营业中

休息中

呢间放题真系不得了，佢上菜系有次序，一开始佢上左6款前菜，分别系黑糖糍粑、紫姜皮蛋、白酒煮蚬、螺肉沙律、炸翠玉瓜同炸虾多士，所有前菜都系任食同埋全部都好好味!食完个前菜，佢上左只长过张枱既刺身船，上面有带子、大虾、冻蟹、八爪鱼、北寄背、鲍鱼、吞拿鱼同仲有一款唔知咩鱼~ 样样野都好新鲜。食完个刺身船佢就上鸡煲，鸡煲劲入味好滑，仲好多料，侍应姐姐话唔够鸡可以再加。食完鸡煲就打边炉，佢仲有几款汤底拣，我地拣左花胶老火汤，不过打边炉食既野都系佢set左, 系任食既, 佢会一次过上哂，然后你仲追加边样就叫边样，边炉𠮶张相入面既食物系未齐既，佢仲有手打丸、蟹、同埋好似仲有，多到我都唔记得, haha~ 个笼入面系鱼皮。本来大家都嗌好饱，但因为个汤底好多海鲜好甜，我地最后叫左2份乌冬都抢哂，可惜公仔面无哂, 如果唔系仲正! 火锅料全部朋友一致认为蚝、鱼肚同饺最好食!订位既朋友订位时order左4个雪燕炖椰皇，每个$32好抵。食完饭仲有蕃薯糖水~另外餐厅门口右手边有个饮品酱料区，4大个雪柜野饮任饮, 仲有大部分野饮都唔系盒装/罐装劲有heart, 除左冻饮仲有热水/ 热既好似红枣茶。仲有雪柜入面有3款