蘇山雞飯

营业中

休息中

店舖好近地铁站，一出行几分钟就到。两个人大约三百几蚊，叫左一个椰子鸡煲，鸡煲则送上会系煲盖加茅台，再用火枪烧，等漏斗几分钟，就食得。一定要饮左个汤先，酒味都几浓，意外地同椰子鸡汤好夹！汤用椰子水煲，同普通水加椰子好唔同！鸡肉劲多，想讲系两个人份量咁，再加个油饭，油饭系马来餐厅必叫，油饭粒粒分明，好食！当日我好肚饿去，食得晒，食得超满足！再叫左个卤味小食，有鸡脚、猪手，充满蛋白质嘅嘢，卤得好入味。野饮叫左菠萝沙冰，一上到黎，哇一声，原个菠萝上，沙冰好满，咁热天真系好正！另外朋友叫左开心果奶昔，开头饮一啖会觉得还好，但系饮落越饮开心果味越出，钟意开心果既人会好钟意。值得一赞系我好钟意佢哋呢一个匙羹，可以格晒啲渣净系饮汤。当日夜晚7点去，入边已经好多人，但系都仲有位。