沙嗲王 (新都城中心二期)

营业中

休息中

我一入门口，就已经一肚气。门口𠮶个扫针卡机，完全对唔到焦，足足扫咗2分钟先至入到去。坐下谂住叫食物，又话要换位，说阻住佢搬货，换完位，终于落咗单，好彩食物都叫做上得快，好快有得食。整体来说，食物冇咩惊喜，普普通通。由于二人一枱，生日优惠券要食满$200才可减$50 ，于是叫了一些食物外卖，有仔细睇过佢𠮶啲优惠条款，只系话不可与其他优惠使用。好啦，叫咗$21x，买单嘅时候，佢竟然话要加一前满$200才可使用，仲叫我下次再嚟先至用。咁嘅疫情，晚市又冇，午市又二人一枱，叫够$200都唔系咁用，加上仲有三日，就已经2月28号，于是又再加咗一个外卖薄饼，埋单走人。但谂谂吓唔多服气，打去佢哋嘅顾客服务热线，接咗去行政部，有人听电话之后，我问佢点解优惠券嘅条款写得唔清唔楚，佢话揾负责同事听电话，结果直接cut咗我线，冇咗下文。呢啲咁嘅公司，真系要谂清楚先好再帮衬。