Cafe 103

营业中

休息中

六月某一日，本身 book 左去港岛食 Tiffin，可惜遇上示威游行不方便过海，所以就转场去左 Cafe 103。酒店就去过，呢度既自助餐都系第一次去，当然有好大期望啦。食物种类不算好多，最推介既系生蚝，虽然只有一款，但味道好好，适中，比较平均，相信喜欢食生蚝既都会喜欢呢度既蚝。我好喜欢食 Tiramisu，呢度甜品既 Tiramisu 都几好食呀，只系觉得可以再重小小酒和咖啡味。不过呢个味道，就相对合家欢啲。其他我认为比较一般，冇太大的特点和令我好想再食既菜。呢度既 free flow package 都几抵，$128 就可任饮酒类，如果喜欢饮酒，成班人嗌个 free flow 都系几好既选择。环境比我想像中唔同，系瘦长形既格局，都几迫，唔太舒服。同事既服务都好，亦有礼貌。甜品既介绍牌用上白色卡纸黑色 marker，唔知点解一去到就入左我个脑，觉得唔系好衬呢间高贵既酒店。