石澗日本料理 (已結業)

呢间餐厅好唔好食在下仲未知，不过未食过就已经能够令我有动力去开个account，写出我嘅不满，真系我生平第一次。前晚打电话去book位，谂住今日同屋企人庆祝佢考试完毕。BOOK位个电话过程顺利，点知今日两点几有个 miss call，但系冇留言，打返去有个女仕竟然话我知我个booking原来只系on waiting list，仲话我miss咗佢call，所以张枱冇左。我即时回应话寻晚book枱果阵冇人话我知我只系on waiting list，同埋冇人话过如果miss咗佢哋confirm枱嘅call呢，就会冇咗张枱。大佬，你留言都冇句，贵餐厅会唔会再恶啲呀。点知果位女仕嘅回应只系一句：「我哋呢到系咁嘅。」听到呢句嘢，真系唔火都几难啦。佢唔系念住帮我尝试去解决问题，都唔系答得噤形挂。之后仲发生咗其它令人更燥狂嘅事，不过再响呢度讲都冇意思，因为佢哋已经破坏咗我哋一家人今个周末嘅mood。其实成件事唔系净系个接电话嘅女仕嘅问题，好几位相关嘅职员都有问题。希望呢间餐厅嘅老板可以早啲发现及正视佢班员工服务嘅问题，唔好等啲口碑差哂嘅时候而影响到生意先补救啦。好多嘢都系冇take two㗎！