影片
更多
2021-08-03
99 浏览
今日同屋企人一齐去试搭新开嘅屯马线，之后就一齐嚟到朋友推荐嘅呢间餐厅食晚饭。呢度无论装修定餐牌都好古色古香，一开头担心会唔好食😂😂但朋友强烈推介，我哋都打算试吓。我哋首先叫咗一个烤活鱼，因为我哋都好怕骨，所以老板推荐我哋拣钳鱼。老板一捧上来嘅时候，我哋都忍唔住「哇」一声，因为好大盆！鱼嘅肉质好嫩滑，好似老板咁讲，真系无咩骨👍🏻加上配埋酸酸辣辣嘅酸菜同辣椒，食到停唔到口，所以挂住食唔记得咗影相。😂我地仲叫左炒田螺肉，天螺肉好有咬口，但我个人略嫌有少少油腻。另一个主角上场啦，就系鸡煲啦！为咗迁就部份唔食辣嘅朋友，我哋鸡煲就选择左原味！我哋挂住倾偈，开头唔记得咗食鸡煲，都担心啲鸡肉会变到好「鞋」，但系冇谂过食嘅时候，鸡肉仍然好嫩滑，而且好入味！我哋仲叫咗猪肠同猪肚加埋落去，两样都好新鲜同埋好有咬口，非常之野味，推荐！食完鸡煲之后，老板就帮我哋加啲汤落去，之后我哋就叫咗几样打边炉嘅食物。食物不过不失。最后我哋叫咗一个家乡炒米粉，其实当时我已经食到好饱，但系都夹咗少少嚟试吓，估唔到咁好味，最后忍唔住自己都食咗一碗！米粉炒得干身又入味，配合埋蛋香同埋其他蔬菜嘅味道，非常之好味！虽然简单，但却令人回
今日同屋企人一齐去试搭新开嘅屯马线，之后就一齐嚟到朋友推荐嘅呢间餐厅食晚饭。
呢度无论装修定餐牌都好古色古香，一开头担心会唔好食😂😂
但朋友强烈推介，我哋都打算试吓。
我哋首先叫咗一个烤活鱼，因为我哋都好怕骨，所以老板推荐我哋拣钳鱼。
老板一捧上来嘅时候，我哋都忍唔住「哇」一声，因为好大盆！鱼嘅肉质好嫩滑，好似老板咁讲，真系无咩骨👍🏻加上配埋酸酸辣辣嘅酸菜同辣椒，食到停唔到口，所以挂住食唔记得咗影相。😂
我地仲叫左炒田螺肉，天螺肉好有咬口，但我个人略嫌有少少油腻。
另一个主角上场啦，就系鸡煲啦！为咗迁就部份唔食辣嘅朋友，我哋鸡煲就选择左原味！我哋挂住倾偈，开头唔记得咗食鸡煲，都担心啲鸡肉会变到好「鞋」，但系冇谂过食嘅时候，鸡肉仍然好嫩滑，而且好入味！我哋仲叫咗猪肠同猪肚加埋落去，两样都好新鲜同埋好有咬口，非常之野味，推荐！
食完鸡煲之后，老板就帮我哋加啲汤落去，之后我哋就叫咗几样打边炉嘅食物。食物不过不失。
最后我哋叫咗一个家乡炒米粉，其实当时我已经食到好饱，但系都夹咗少少嚟试吓，估唔到咁好味，最后忍唔住自己都食咗一碗！米粉炒得干身又入味，配合埋蛋香同埋其他蔬菜嘅味道，非常之好味！虽然简单，但却令人回味！
张贴
